SAVANAROLA Hieronymus


SAVANAROLA Hieronymus
SAVANAROLA Hieronymus
Ferrariae natus, A. C. 1452. Monachus Dominicanus, floruit saeculô 15. Eloquiô, pietate, et eruditione nulli secundus, atque ob has dotes cunctis gratissimus. Vit inprimis divini zeli, Florentiae, acriter abusus Papales taxavit, in Alexandri VI. hominum spurcissimi, flagitia libere invectus. Carolum VIII. divinô spiritu, ad reformandam Ecclesiam, nomine Dei, initavit, poenas gravissimas, nî id faceret, comminatus. Sane Carolo Romam accedente, muri Urbis et Arcis Adrianae, in quam Papa se abdiderat, quasi invitantes, suâ sponte, conciderant. Sed is nihil egit, ideoque domum reduci, primo filius ereptus, tum ipse, ut Savanarola praedixerat, subitâ morte concidit. Philipp. Comin. de Bello Neap. l. 2. et l. 3. ac. 5. Hic Vir insignis, tandem porro contionari prohibitus, cum, Deo potius quam hominibus oboediendum esse sentiens, nihilominus pergeret, in vincula coniectus, et acerbis quaestionum cruciatibus excarnificatus, iussu Alexandri VI. pauloque post, cum sociis duobus, Silvestro Florentino et Dominico de Pisis, Ordinis Praedicaatorum, florentiae laqueô suftocatus et crematus est, annô aetat. 46. A. C. 1498. Hic inter metuendos carceris horrores; et imminentis supplicii angustias, scripsit meditationes in Psalm. 30. et. 51. verbis vivis, ut Sixtus Senens. in Biblioth. S. ait, animatis sententiis, et Spiritus fervore flagrantissimis. Item de triumpho crucis etc. Vaticinatus est idem de vastirate Florentiae, Romae et reformatione Ecclesiae etc. A'Iohanne Fr. Pico Mirandulano et Marsilio Ficino defensus, et tamquam Propheta celebratus. Eius meminit praefatus Cominaeus l. 3. de bello Neap. ubi suum cum illo colloquium recitat, et l. 5. ubi de extremo eius supplicio agit. Vide et l. 8. c. 19. Guicciard. Hist. l. 3. Beza de Viris illustr. Paul. Iov. in elog. Sixtus Sen. Biblioth. l. 4. etc. Exstant praeter Meditationes supra memoratas, Commentarii in Ps. 59. 70. 79. Sermones in Ezechielem Ital. in Amos, Haggaeum, etc. Expositio orationis dominicae etc. Vide Catal. Oxon. Crowaei Elenchum etc.

Hofmann J. Lexicon universale. 1698.

Look at other dictionaries:

  • HIERONYMUS Savanarola — vide ibi …   Hofmann J. Lexicon universale

  • Hieronymus Savonarola (46) — 46Hieronymus Savonarola, (23. Mai), auch Savanarola geschrieben, war einer der feurigsten Prediger des Dominicaner Ordens. Die Bollandisten gedenken seiner unter den »Uebergangenen« mit dem Bemerken, daß er von verschiedenen Schriftstellern… …   Vollständiges Heiligen-Lexikon

  • PSALMI — I. PSALMI vox sacra. Horum significatio laxa admodum est, cum libri Canonici V. T. in Mosen, Psalmos et Prophetas dividuntur, Strictius vocem usurpant, qui illam ad denotandos 5. libros Poeticos, Iobum, Psalmos, Proverbia, Ecclesiasten et… …   Hofmann J. Lexicon universale


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.